Հայաստանի պետական տնտեսագիտական համալսարանի Գյումրու մասնաճյուղում ս/թ մարտի 23-ին բացվեն են կրթական ենթակառուցվածքների արդիականացման նպատակի իրականացման շրջանակներում տեխնիկապես հագեցված, արդի կրթական պահանջներին համապատասխան նոր ենթակառուցվածքների բացում: Բացման արարողությունը իր ներկայությամբ պատվեց Հայաստանի Հանրապետության վարչապետ Նիկոլ Փաշինյանը, ՀՀ ԿԳՄՍՆ նախարար Ժաննա Անդրեասյանը, ինչպես նաև ՀՀ գործադիր, օրենսդիր, կրթական և համայնքային իշխանությունների ներկայացուցիչներ։
Այցի ընթացքում գործարկել է Digital info system–ը, որը տեղեկատվական ցանց է՝ միտված համալսարանի տարածքում ուսանողների և պրոֆեսորադասախոսական անձնակազմի համար տեղեկատվությունը առավել հասանելի դարձնելուն: Այն ուսանողական և դասախոսական հանրույթին կտրամադրի արագ մուտք ակադեմիական ռեսուրսների, հայտարարությունների, ընթացիկ և պլանավորված միջոցառումների մասին ներկայացնող առանձին մոդուլներ՝ խթանելով համալսարանական կյանքի մասին տեղեկատվության հասանելիությանը։ Նշենք նաև, որ Digital info system համակարգում տեղեկատվությունը ներկայացվելու է երեք դասակարգումներով՝ ըստ գույների. կարմիրը՝ հրատապ, կանաչը՝ տեղեկատվական, իսկ դեղինը՝ նախատեսվող միջոցառումների մասին ներկայացվող տեղեկություններն են։
Օրվա կարևորագույն իրադարձություններից էր «Հանրային խոսքի լսարան»-ի բացումը: Այս հարթակը նախատեսված է հանրային ելույթների կազմակերպման համար: Այն կնպաստի ուսանողական հանրույթի հաղորդակցման հմտությունների և քննադատական մտածողության զարգացմանը:Նշենք նաև, որ Հանրային լսարանը նվիրաբերվել է բուհի շրջանավարտ Կամսար Հարությունյանի կողմից։
Ուսանողների և դասախոսների արտալսարանային աշխատանքների կազմակերպման համար ստեղծվել են տեխնիկապես հագեցված խորհրդակցական ֆորմալ և ոչ ֆորմալ հանդիպումների սենյակներ, որտեղ նրանք հնարավորություն կունենան խմբային կամ անհատական հանդիպում-քննարկումների ունենալ։
Համալսարանում ստեղծվել է նաև «AI/VR բիզնես աջակցության կենտրոնը» և «DTL թվային վերափոխման լաբորատորիան»: Առաջինը ծառայելու է բիզնես ոլորտի համար արհեստական բանականության տրամադրած հնարավորությունները իրենց գործունեության ոլորտում օգտագործելու համար հարթակ ստեղծելուն: Իսկ երկրորդը՝ ուսուցման գործընթացը առավել արդյունավետ կազմակերպելու նպատակով արդի տեխնոլոգիաների և արհեստական բանականության հնարավորությունների ներդնելուն (օրինակ՝ AI assistant-ի կիրառմամբ):
Միջոցառման ընթացքում նախատեսվում է նաև «Հայկական գործոն. Փնտրվում է յան» ծրագրի շրջանակներում մասնաճյուղի հետ համագործակցող AIU համալսարանի ներկայացուցիչների և արտասահմանյան առաջավոր այլ համալսարանների ու հետազոտական կենտրոնների գիտաշխատողների հետ ուղիղ տեսակապ, որի ընթացքում նաև տրվելու է ծրագրի ամբողջական գործարկման մեկնարկը:
Օրը հատկանշական է նաև նրանով, որ տրվելու է ևս մեկ նոր նախաձեռնության մեկնարկ, որի շրջանակներում բացվելու է պանելային քննարկումների հարթակը, որի առաջին հյուրը և բանախոսը կլինի ՀՀ վարչապետ Նիկոլ Փաշինյանը՝ «Տնտեսական զարգացումը որպես պետական շահ» թեմայով:
