Startup. այս բառը շատերս ենք լսել, ոմանք էլ փորձել են ձեռնամուխ լինել և հիմնել ստարտափ։ Ի վերջո, ի՞նչ է նշանակում այդ գեղեցիկ, բայց գաղտնիքներ ունեցող բառը։
Ստարտափը ժամանակավոր կառույց է `ուղղված ընդարձակ բիզնես գաղափարի որոնմանը և իրականացմանը։
ՀՊՏՀ Գյումրու մասնաճյուղի ԶԾԳՈԱԱԿ բաժնի նախաձեռնությամբ «Ստարտափ ակադեմիա» ծրագրի շրջանակներում իրականացրել են «Բիզնես դասընթացներ» ուսանողների և աշակերտների համար, ովքեր հետաքրքրված են ստարտափերով։
Դասընթացի արդյունքում ձևավորվել են երեք ստարտափ թիմեր,ովքեր ներկայացրել են իրենց բիզնես գաղափարները ժյուրիի անդամներին։
Ժյուրիի անդամներն են ՝
Դավիթ Յուզբաշյան – ”Due-X Group” ՍՊԸ և Ispere lab Creative Agency-ի հիմնադիր տնօրեն
Էրիկ Խաչատրյան –Բիզնեսի զարգացման մասնագետ WIC, GlobalR.com-ի գլխավոր գործառնական տնօրեն
Վանիկ Չալոյան – Ստարտափ Արմենիա» հիմնադրամի խորհրդի անդամ,
Արփինե Սարգսյան – ՀՊՏՀ ԳՄ ԶԾԳՈԱԱԿ բաժնի պետ,
Սամվել Նազարյան – ՀՊՏՀ ԳՄ, ԶԾԳՈԱԱԿ բաժնի Ինովացիոն և ստարտափերի գծով մասնագետ։
Մրցույթի արդյունքներով 3-րդ տեղը զբաղեցրած թիմին հնարավորություն տրվեց անվճար օգտվելու Ստարտափ Արմենիայի աշխատանքային տարածքից (cowoking), ինչպես նաև GlobalR.com-ի ծառայություններից 50 տոկոս զեղչով։
2-րդ տեղը զբաղեցրած գաղափարն արժանացավ 1000 դոլարի նվեր քարտի` Ispere lab Creative Agency-ի ծառայություններից օգտվելու համար, իսկ մրցույթում հաղթած թիմը ստացավ մրցանակ բուհի կողմից՝ 500․000 դրամի չափով։