«Նամակ-զինվորին»-ՀՊՏՀ Գյումրու մասնաճյուղը հանդես է գալիս նոր ծրագրով
ՀՀ անկախության տոնին ընդառաջ ՀՊՏՀ Գյումրու մասնաճյուղը համագործակցելով Երդվյալ ազատամարտիկների միության և «Անմահ կրակներ» ռազմահայրենասիրական ՀԿ-ի հետ հայտարարում է «Նամակ-զինվորին» մրցույթը:
Ծրագրի նպատակը՝
Բարձրացնել ուսանողների ռազմահայրենասիրական ոգին՝ ուսանողների և զինված ուժերում ծառայող զինծառայողների միջև ակտիվ շփման և երկխոսության հարթակ ձևավորելու միջոցով:
Մասնակցության պայմանները՝
Կարող են մասնակցել ՀՀ քաղաքացիություն ունեցող անձինք (ուսանողների մասնակցությունը ողջունելի է): Նամակներն ընդունվում են միայն գրքերի մեջ դրված:
Սեպտեմբերի 21-ին նամակներն ու գրքերը տարվելու են զորամասեր: Այն անձինք, ովքեր ցանկություն ունեն կարող են նամակներին կից բուհ ներկայացնել նաև հագուստ սահմանամերձ գյուղերում ապրող անապահով ընտանիքների համար:
Լավագույն 5 նամակներն ընտրելու են զորամասերի զինծառայողներն ու պատասխան նամակ ուղարկելու:
Մրցույթի արդյունքներն ամփոփվելու են ՀՊՏՀ Գյումրու մասնաճյուղում:
Ամփոփիչ միջոցառման ընթացքում մասնակիցներն ստանալու են զինվորների պատասխան նամակները, լինելու է զրույց-հանդիպում ազատամարտիկների հետ և իհարկե լավագույն նամակների հեղինակներին տրվելու է մրցանակ բուհի կողմից:
Նամակներն ընդունվում են՝ 13.09.2019-ից մինչև 20.09.2019
Նամակները՝ գրքերով ներկայացնել ՀՊՏՀ Գյումրու մասնաճյուղ, երկուշաբթի-ուրբաթ ժամը՝ 09:00-17:00
Լրացուցիչ հարցերի համար՝ [email protected]
+37477962 863
