Այսօր ՀՏՊՀ Գյումրու մասնաճյուղում էին հյուրընկալվել Digital Pomegranate ընկերության հիմադիր Թոդ Ֆաբաքերն ու ընկերության գլխավոր գործադիր տնօրեն Գայանե Ղանդիլյանը:
Digital Pomegranate ընկերությունը ծրագրային եզակի լուծումներ է առաջարկում փոքր ու միջին բիզնեսների համար: Ընկերությունը նպատակ ունի կամուրջ հանդիսանալ գյումրեցի սետղծագործ մասնագետների և ամբողջ աշխարհի փոքր ու միջին բիզնեսների միջև՝ վերջիններիս առաջարկելով կայքեր, մոբայլ հավելվածներ, դիզայն ծառայություններ:
Ստարտափերի ու մարզում բիզնես միջավայրի զարգացման ուղղությամբ բուհի իրականացրած ծրագրերը ներկայացրեցին ՀՊՏՀ ԳՄ տնօրենի պաշտոնակատար Կարեն Պետրոսյանը, ԶԾԳՈԱԱԿ բաժնի պետ Ղարիբ Հարությունյանն ու ԶԾԳՈԱԱԿ բաժնի զարգացման ծրագրերի և գիտության մասնագետ Մարինե Ավետիսյանը:
Բուհը նախաձեռնել է «Կրթություն-բիզնես միջավայր» համագործակցության հարթակը, որի շուրջ են համախմբվել մարզի բոլոր բարձր ու միջին ուսումնական հաստատությունները՝ ուսումնական հաստատություններում ստարտափ միջավայր ստեղծելու համար: Առաջին քայլերն էլ արդեն արված են:
Ուսումնական հաստատություններում տեղեկատվական հանդիպումներին հաջորդել է «Think and Talk» միջոցառումը, որի շրջանակներում ուսանողները ներկայացել են իրենց բիզնես գաղափարներով, իսկ մենթորներն օգնել՝ դրանք զարգացնելու համար:
Առաջիկա ամսում ծրագիրը նոր փուլ է մտնելու, որի շրջանակներում երիտասարդները մասնակցելու են մի շարք դասընթացների ու փորձելու են իրականացություն դարձնել իրենց ստարտափ գաղափարները:
Շուտով մեկնարկելու է նաև ստարտափ ակադեմիայի աշխատանքները: Բուհում համոզված են իրենց նախաձեռնությունները հաջողություն են ունենալու: Արդեն երկու գործող ստարտափ ունեն՝ «O-zone» և «Smartup»:
Այցի ընթացքում ընկերության ներկայացուցիչներն եղան նաև ստարտափերում ծանոթացան հիմնադիրների ու գործունեության հետ:
Թոդ Ֆաբաքերը խոստացավ, որ ընկերությունը մասնակցություն կունենա ինչպես ստարտափ ակադեմիայի աշխատանքներին, այնպես էլ նոր «Think and Talk» միջոցառմանը, որի ընթացքում հանդես կգան ընկերության աշխատակիցներն ևս:
Այցի ընթացքում կողմերը խոսեցին նաև մարզի ստարտափ ոլորտում առկա հիմնախնդիրների մասին ու պայմանավորվեցին խնդիրների լուծման ու ոլորտի զարգացման ուղիները միասին գտնել:
