ՀՊՏՀ Գյումրու մասնաճյուղի հարգելի ուսանողներ,
Տեղեկացնում ենք, որ մասնաճյուղի տնօրինության մարտի 24-ի նիստում որոշվել է․
- Ս/թ մարտի 30-ից ամբողջությամբ անցնել աշխատանքի առցանց ռեժիմի․ առկա ուսուցման բակալավրիատի, առկա ուսուցման մագիստրատուրայի դասերն անցկացնել առցանց՝ ծրագրային հավելվածների (Zoom, Microsoft teams և այլն) կիրառմամբ, հաշվառել ուսանողների մասնակցությունը։ Առցանց դասախոսություններին ուսանողների մասնակցությունը պարտադիր է։
- Ոչ մասնագիտական (բացառությամբ՝ մաթեմատիկական հենք ունեցող) առարկաների առցանց դասերը կրում են ոչ պարտադիր բնույթ, սակայն առցանց դաս չիրականացնելու դեպքում դասախոսը պարտավորվում է ուսանողներին ապահովել դասի վերաբերյալ այլ մասնագիտական տեսադասերով կամ տեսահոլովակներով։
- Առաջիկա շաբաթվա (30.03-04.04) դասատախտակը հրապարակել ուրբաթ՝ մարտի 27-ին։
- Հեռակա ուսուցման բակալավրիատի դասերի լրացման համար կկայացվի լրացուցիչ որոշում։
Սիրելի ուսանողներ, խնդրում ենք նաև․
- Առցանց դասերին մասնակցության անհնարինության, տեխնիկական խնդիրների առկայության դեպքում տեղեկացնել դեկանին։
- Դասախոսների հետ հստակեցնել առցանց դասերի գնահատման մոտեցումները, տարակարծությունների դեպքում՝ դիմել տնօրինությանը։
Մնացեք տանը, առողջ եղեք և շարունակեք սովորել։
ՀՊՏՀ ԳՄ Տնօրինություն
