Սիրելի՛ ուսանողներ,
Հաշվի առնելով ՀՀ-ում հայտարարված արտակարգ դրությունը, ՀՊՏՀ Գյումրու մասնաճյուղում 2019-2020 ուստարվա երկրորդ կիսամյակի ուսումնական գործընթացը կազմակերպվելու է հետևյալ կերպ․
- Առկա և հեռակա ուսուցման բակալավրիատի, առկա և երեկոյան մագիստրատուրայի դասերի համար անհրաժեշտ տեղեկատվության` դասախոսությունների նյութերի տրամադրումը շարունակվելու է իրականացվել առցանց ռեժիմում՝ Google Drive-ի միջոցով։
- Բաց թողնված դասերը լրացվելու են դեկանատի կողմից տրամադրված ժամանակացույցով։
- Նոր դասատախտակները կհրապարակվեն ուսումնական գործընթացը վերսկսելուց առնվազն 5 աշխատանքային օր առաջ։
- Առցանց հեռավար դասընթացները պարտադիր բնույթ չեն կրում, կազմակերպվում են ըստ հայեցողության, իսկ ուսանող-դասախոս պարտադիր հաղորդակցությունն ու խորհրդատվությունն ապահովվելու է Ֆեյսբուքյան խմբերի միջոցով, որոնք միտված են Google Drive-ում տեղադրված նյութերի և առաջադրանքների քննարկմանն ու իրականացմանը։
- Առկա ուսուցման բակալավրիատի 4-րդ կուրսերի և հեռակա ուսուցման բակալավրիատի 5-րդ կուրսերի ուսումնաարտադրական, առկա ուսուցման մագիստրատուրայի 2-րդ կուրսերի գիտահետազոտական փորձառությունները համարվելու են 12.03.2020թ. դրությամբ ավարտված և չեն շարունակվելու: Փորձառության հաշվետվությունները անհրաժեշտ է հանձնել ամբիոն 15.04.2020թ.-21.04.2020թ. ընկած ժամանակահատվածում, իսկ պաշտպանությունները կկազմակերպվեն 22.04.2020թ.-29.04.2020թ.՝ լրացված (մինչև ս/թ մարտի 16-ը փաստացի այցելած) օրերի համար կազմված հաշվետվություններով։
- Առկա և հեռակա ուսուցման բակալավրիատի ավարտական աշխատանքների, առկա ուսուցման մագիստրատուրայի մագիստրոսական թեզերի կատարումն իրականացվելու է ամբիոնի կողմից տրամադրված ժամանակացույցով՝ առցանց, իսկ պաշտպանության օրերի վերաբերյալ կտրամադրվի լրացուցիչ տեղեկատվություն։
- Հեռակա ուսուցման բակալավրիատի 1-4-րդ կուրսերի դասերի մնացած 2 շաբաթները կկազմակերպվեն 15.04.2020թ.-28.04.2020թ, կկազմվի նոր ժամանակացույց։
Հորդորում ենք հետևել միայն ՀՊՏՀ Գյումրու մասնաճյուղի կողմից տրամադրվող պաշտոնական տեղեկատվությանը, հարցերի դեպքում՝ դիմել ՀՊՏՀ Գյումրու մասնաճյուղի տնօրինությանը։
Պահպանեք համաճարակային կանխարգելման միջոցները և առողջ եղեք։
ՀՊՏՀ Գյումրու մասնաճյուղի տնօրինություն
