Հայկական ԱԷԿ-ը և «Ռոսատոմ» Պետկորպորացիան՝ ՀՀ Տարածքային կառավարման և ենթակառուցվածքների, ՀՀ Կրթության, գիտության,
մշակույթի և սպորտի նախարարությունների, Երևանում և Գյումրիում գիտության և մշակույթի Ռուսաստանյան կենտրոնների հետ համատեղ հայտարարում են ֆոտոմրցույթ նվիրված Հայաստանում ատոմային ոլորտի հիմնադրման 55-ամյակին։
Մրցույթի մասնակից կարող են դառնալ Հայաստանի բնակիչները` պրոֆեսիոնալ և սիրողական լուսանկարիչներ, անկախ տարիքից, մասնագիտությունից և հետաքրքրություններից:
Աշխատանքները կարելի է նկարահանել ոչ միայն թվային կամ ժապավենային լուսանկարչական սարքերով, այլ նաև սմարթֆոններով։
Մրցույթի շրջանակներում հեղինակները ներկայացնելու են իրենց պատկերցումները Հայաստանի էներգիայի վերաբերյալ, հետևյալ թեմաներից որևէ մեկով՝
Իմ երկրի ատոմային էներգիան․ լուսանկարներ, որոնք արտացոլում են բնության և հանրության փոխհարաբերությունները ատոմային էներգետիկայի հետ
Հայաստանի կյանքի էներգիան․ Հայաստանի գլխավոր հարստությունը՝ մարդկանց ներկայացնող ֆոտոպատմություններ:
Հայաստանի էկոլոգիան և բնությունը․ լուսանկարներ, որոնք արտացոլում են Հայաստանի բնության բացառիկ գեղեցկությունն ու բազմազանությունը, միևնույն ժամանակ դրա փխրունությունն ու խոցելիությունը:
Հայաստանի ատոմային էներգետիկայի պատմությունը՝ արխիվային լուսանկարներ, որոնք ցույց են տալիս Հայաստանում առաջին ատոմակայանը, մարդկանց, ովքեր այդ ժամանակ աշխատում էին ատոմակայանում:
Մասնակիցները կարող են իրենց աշխատտանքներն ուղարկել հետևյալ հղումով.
https://forms.gle/3KTSeZoW3qK2Axfy5
Մրցույթի աշխատանքների ընդունումը բաց է մինչև մարտի 21-ը, իսկ մրցույթի արդյունքները հայտնի կդառնան ապրիլին: Ընդհանուր առմամբ, լուսանկարների մրցույթի շրջանակներում հայտարարված է 6 մրցանակ, լավագույն աշխատանքների հեղինակները կստանան պատվոգրեր և նվերների հավաստագրեր:
Ֆոտոմրցույթի կանոնների վերաբերյալ լրացուցիչ տեղեկություններ ստանալու համար կարող եք այցելել Lookaround Armenia՝ «Ռոսատոմ» Պետկորպորացիայի կրթական նախագծի մրցույթի էջ` https://www.facebook.com/events/771726410106951 :
