IDBank-ի #ԿԱՌՈՒՑԻՐԿԱՐԻԵՐԱԴԱՅԴԻԲԱՆԿԻՀԵՏ ծրագրի շրջանակում երիտասարդները հնարավորություն կունենան կիրառել իրենց գիտելիքները վաճառքի, սպասարկման ոլորտում, ինչպես նաև ձեռք բերել նոր գիտելիքներ և հմտություններ բանկային գործում: Ծրագրի ավարտին իրականացվելու է ատեստավորում, որի արդյունքներով լավագույնները կշարունակեն իրենց կարիերան IDBank-ի հետ։
Ծրագիրը մեկնարկել է 2019թ․ և արդեն երկու անգամ իրականացվել, որի արդյունքում շուրջ 25 ուսանող սկսել են իրենց կարիերան ԱյԴի Բանկի հետ։
ԾՐԱԳՐԻՆ ՄԱՍՆԱԿՑԵԼՈՒ ՀԱՄԱՐ ԱՆՀՐԱԺԵՇՏ Է`
- լինել բակալավրի 4-րդ կամ մագիստրատուրայի ուսանող կամ վերջին 5 տարիներին ավարտած և անփորձ երիտասարդ,
- ունենալ լավ առաջադիմություն,
- ունենալ տնտեսագիտական/ֆինանսական մասնագիտացում,
- տիրապետել օտար լեզուների /ռուսերեն, անգլերեն/,
- ունենալ հաղորդակցման գերազանց հմտություններ,
- և ամենակարևորը՝ լինել նախաձեռնող, նորարար գաղափարներով և էնտուզիազմով լի անհատականություն։
Ծրագրի տևողություն՝ | 3 ամիս |
Ծրագրի անցկացման վայր` | ք․ Երևան |
Ծրագրի մեկնարկ` | Մարտի 1 – 15, 2020թ. |
Հայտարարության սկիզբ` | Հունվարի 31, 2020թ. |
Հայտարարության ավարտ` | Փետրվարի 7, 2020թ. |
Ծրագրին մասնակցելու համար անհրաժեշտ է լրացնել «ԱյԴի Բանկ»-ի դիմում-հայտը և/կամ ինքնակենսագրականի (CV) հետ միասին ուղարկել [email protected] հասցեին՝ նամակի թեմա (subject) դաշտում պարտադիր նշելով ծրագրի անվանումը՝ «ԿԱՌՈՒՑԻՐԿԱՐԻԵՐԱԴԱՅԴԻԲԱՆԿԻՀԵՏ» :
Ստացված յուրաքանչյուր դիմում-հայտ մանրամասն կուսումնասիրվի ՄՌԿ վարչության կողմից և, հաշվի առնելով դիմորդի համապատասխանությունը Ծրագրի պահանջներին, ընտրված թեկնածուները կհրավիրվեն թեստավորման և հարցազրույցի: