Հայաստանի պետական տնտեսագիտական համալսարանի Գյումրու մասնաճյուղը ,«Ներդրումների աջակցման կենտրոն» հիմնադրամի հետ համատեղ հայտարարում է եռօրյա դասընթացների շարք՝ «Միկրո ձեռնարկատիրության նմանակում» թեմայով։ Դասընթացները տեղի կունենան դեկտեմբերի 2-ից 4-ը, ժամը 13։30-ին(2 ժամ տևողությամբ) ՀՊՏՀ Գյումրու մասնաճյուղում։
Մասնակցել կարող են Շիրակի մարզի բուհերի և միջին մասնագիտական ուսումնական հաստատությունների ուսանողներից կազմված 3-4 հոգուց բաղկացած խմբեր (խմբում պետք է լինեն առնվազն 2 ուսումնական հաստատությունից ուսանողներ)։
Դասընթացները կվարեն ոլորտի հմուտ մասնագետներ՝ Լիլիթ Ասատրյանն ու Արթուր Զաքարյանը։
Մասնակից խմբերը ձեռք կբերեն գիտելիքներ.
- Ինչպե՞ս սկսել և զարգացնել բիզնեսը,
- Որո՞նք են փոքր ու միջին բիզնեսի վարման մարտահրավերներն ու հնարավորությունները, և ինչպե՞ս արձագանքել դրանց,
- Ի՞նչ է պետք իմանալ ֆինանսներից փոքր բիզնես ծավալելիս,
- Ինչպե՞ս խթանել իրացումը մարքեթինգային գործիքների միջոցով,
- Ինչպե՞ս հասկանալ շուկայի դինամիկան և դիմակայել մրցակցությանը:
Դասընթացները կներառեն 4 փուլ.
Փուլ 1 –Ֆինանսական գիտելիքների բարելավում և բիզնեսի ճանաչում
Փուլ 2 –Բիզնես հնարավորությունների բացահայտում
Փուլ 3- Շուկայի ընդլայնում
Փուլ 4- Եկամտաբերության բարձրացում
Խմբերի մասնակցությունը բոլոր երեք օրերին պարտադիր է:
Դասընթացի բոլոր փուլերը հաջողությամբ ավարտած և մրցույթներում հաղթած թիմերին սպասվում են մրցանակներ։
Մասնակցության համար անհրաժեշտ է, որ թիմերը մինչև ս․թ․ նոյեմբերի 30-ը լրացնեն դասընթացի մասնակցության հայտը:
Մասնակից խմբերը դասընթացի մանրամասների մասին կծանուցվել էլեկտրոնային նամակի միջոցով։
Հավելյալ հարցերի դեպքում կարող եք զանգահարել 093555757 հեռախոսահամարով։
