«Էրազմուս+» ծրագրի շրջանակներում հայտարարվում է 2019-2020 ուսումնական տարվա երկրորդ կիսամյակում Կրակովի տնտեսագիտական համալսարանում սովորելու մրցույթ:
Ծրագրին կարող են դիմել այն ուսանողները, ովքեր՝
- սովորում են ՀՊՏՀ առկա ուսուցման բակալավրիատի 2-րդ, 3-րդ կամ հեռակա ուսուցման բակալավրիատի 2-րդ, 3-րդ կամ 4-րդ կուրսերում, մագիստրատուրայի 1-ին կամ հեռակա ուսուցման մագիստրատուրայի 1-ին և 2-րդ կուրսերում (եթե շարժունության ծրագրի ժամանակահատվածում բուհում պրակտիկա նախատեսված չէ)
- ունեն անգլերենի իմացության B2 և բարձր մակարդակ
- ունեն բարձր առաջադիմություն
Ծրագրով հետաքրքրված ուսանողները պետք է մինչև հոկտեմբերի 9-ը ներառյալ ՀՊՏՀ միջազգային կապերի բաժնի [email protected] էլ-փոստին ուղարկեն՝
- անձնագրի լուսապատճենը,
- ինքնակենսագրություն Europass CV ֆորմատով (անգլերենով),
- մոտիվացիոն նամակ (անգլերենով),
- անգլերենի իմացությունը հավաստող փաստաթուղթ (առկայության դեպքում): Այն ուսանողները, ովքեր հանձնել են Միջազգային կապերի բաժնի կողմից կազմակերպված քննությունը, ուղեկից նամակում նշում են ստացած միավորը:
- բակալավրիատի դիպլոմի միջուկի լուսապատճենը (եթե ավարտել եք բակալավրը) կամ վերջնական ՄՈԳ-ի մասին տեղեկատվություն՝ հաստատված ֆակուլտետի դեկանի կողմից:
Նամակի վերնագիր դաշտում անհրաժեշտ է նշել ”Cracow University of Economics (Poland)”: Դուք կհամոզվեք, որ հայտը միջազգային կապերի բաժինը ստացել է՝ 1 աշխատանքային օրվա ընթացքում պատասխան հաղորդագրություն ստանալով:
