Արտակարգ դրությամբ պայմանավորված ՀՊՏՀ Գյումրու մասնաճյուղն անցել է առցանց ուսուցման, միևնույն ժամանակ տանից առցանց աշխատում են նաև վարչական աշխատակիցները:
Օնլայն անցկացվում են նաև տնօրինության ու գիտական խորհրդի նիստեր, որի արդյունքում մասնաճյուղը պահպանում է բնականոն աշխատանքային ռեժիմը:
Ստորև ներկայացնում ենք ՀՊՏՀ Գյումրու մասնաճյուղի տնօրինության՝ 31․03․2020թ-ի նիստի որոշումները՝
1․ Մայր բուհի կողմից սահմանված կարգի համաձայն՝ ուսումնական գործընթացն իրականացնել հետևյալ կերպ․
- Առկա ուսուցման բակալավրիատի ավարտական աշխատանքների պաշտպանություններն իրականացնել ս/թ մայիսի 5-ից մինչև հունիսի 10-ը ժամանակահատվածում։
- Առկա ուսուցման մագիստրատուրայի մագիստրոսական թեզերի պաշտպանությունն իրականացնել 2020թ-ի մայիսի 5-ից մինչև հունիսի 5-ը։
- Հեռակա ուսուցման բակալավրիատի ավարտական աշխատանքների պաշտպանություններն իրականացնել 2020թ-ի հունիսի 1-ից մինչև հուլիսի 3-ը։
- Հեռակա ուսուցման բակալավրիատի 1-4-րդ կուրսերի դասերի բաց թողնված 2 շաբաթները լրացնել ս/թ ապրիլի 15-ից մինչև ապրիլի 28-ն ընկած ժամանակահատվածում։
2․ Ընդունել ի գիտություն, որ անհրաժեշտության դեպքում առցանց կկազմակերպվեն և կիրականացվեն նաև ավարտական աշխատանքների, մագիստրոսական թեզերի պաշտպանությունները, մասնաճյուղի գիտական խորհրդի նիստերը։
3․ Առցանց դասերի անցկացման վերահսկողությունն իրականացնելու է ընդհանուր տնտեսագիտության ֆակուլտետի դեկանի պաշտոնակատար Ս․ Ավետիսյանը։
4․ «Հայկական կարիտաս» բարեսիրական հասարակական կազմակերպության հետ իրականացվող հետազոտական աշխատանքների մրցույթի հայտերը հաստատել վերապահումով՝ անհրաժետ փոփոխությունները կատարելուց հետո։ Հետազոտական աշխատանքներն իրականացնել մինչև ս/թ ապրիլի 30-ը։
ՀՊՏՀ Գյումրու մասնաճյուղի տնօրինություն
