ՀՊՏՀ ԳՄ աջակցում է «Պարենային շտապ օգնություն» ծրագրին

Ծրագրի պատասխանատուներն իրենց առջև նպատակ են դրել Գյումրիի սոցիալապես անապահով ընտանիքներին ապահովել կենսական անհրաժեշտություն համարվող նվազագույն պարենային զամբյուղը՝ սոցիալական փոխաջակցության միջոցով:

Ծրագիրն իրականացվում է «Սոցիալական շտապօգնություն» նախաձեռնության կողմից, Շիրակի մարզպետարանի և «Գյումրին առանց տնակների» հիմնադրամի աջակցությամբ:

Սոցիալական աջակցության պարենային զամբյուղը (ծանրոց) ներառում է մեկ շաբաթվա հաշվարկով պարենային ապրանքներ։ Ծանրոցի պարենային ապրանքերի ցանկի համար հիմք է ընդունվել ՀՀ պարետատան կողմից սահմանված ապրանքների ցանկը` մեկ ծանրոցի արժեքը 12000 դրամ է:
Շահառու ընտանիքի գրանցումն իրականացվում է օնլայն ձևաչափով նախապես սահմանված ձևաթղթի միջոցով: Գործում է ծրագրի համար ստեղծված նոր կայք՝ http://shtapognutyun.am/, որտեղ շահառու ընտանիքները կարող են գրանցվել:

Ընտանիքի կարգավիճակը ստուգելուց հետո կամավորները ծանրոցները կհասցնեն շահառու ընտանիքներին:
Մշտապես գործելու է թեժ գիծ`+374 94 03 20 42 կամ +374 99 20 22 30 տեղեկատվության և շահառու ընտանիքներին հուզող հարցերին պատասխանելու համար։

Բացվել է հաշվեհամար ՝
USD 1570025820780101
EUR 1570025820780147
AMD 1570025820780200
RUB 1570025820780158,

որտեղ նվիրատուները կարող են փոխանցել իրենց ֆինանսական հանգանակությունները։
Նվիրատվություն կարող են անել նաև http://www.donate4gyumri.am/ կայքում, ինչպես նաև յուրաքանչյուր նվիրատու կարող է նվիրել ծանրոց, որը կպահվի համապատասխան պահեստում, առնվազն մեկ օր և կվարակազերծվի: